Deset godina djelovanja NVU Naše doba obilježila je Jelena Jauković, jedna od osnivačica Organizacije. I najnoviju akciju – učešće u istraživanju o kvalitetu života starijih prihvatila je objeručke i među prvima bila ispitanik.
Sve ovo vrijeme družiti se i raditi s našom Jelom značilo je, zasigurno, imati privilegiju da s vama dijeli njene britke misli, civilizovani um i svjetonazor, njeno široko obrazovanje. Jednako nesebična bila je u svojim osjećanjima pravdoljubivosti, humanosti, iskrenosti. Njen široki osmijeh uvijek bi razgalio sve oko nje. Njena brižnost i empatija uvijek bi pozivala na akciju, na pomoć drugima. Opraštamo se od nje s osjećanjem zahvalnosti i duboke tuge. Otišla je, ali će trajati tragovi njene jedinstvene ličnosti u svima nama.
Novi komentari