U prve dvije ovogodišnje akcije, 10. i 17. februara sakupljali smo biološki otpad na terenu borove šume na Gorici.
Zimus je vjetar oborio tri osušena bora viša od 10 metara, stara pedesetak godina. Njih smo išegali i iznijeli iz šume. Tom prilikom puštena je u probni rad nova motorna testera. Teleskopska varijanta testere poslužila je za vertikalnu sanitarnu sječu – za kidanje osušenih grana sa zdravih stabala.
Još ne remetimo zimski san biljaka posađenih u Mediteranskom vrtu. Tamo ima još prostora koji treba kultivisati i zasaditi novim vrstama biljaka, ali će ti poslovi sačekati bolje dane tj. finanasije.
Trenutno se prostor Zelene učionice priprema za potrebe novog projekta – izrade suvenira, koji finansira NVO Green home.
Autor: Milena Andrijašević
Foto: Zoran Bojović
Novi komentari